Major Double of the 1st class with privileged octave
Zelo zelatus sum pro Domino Deo exercituum, dixit Elias ad Dominum: quia dereliquerunt pactum tuum filii Israel: altaria tua destruxerunt, prophetas tuos occiderunt gladio, derelictus sum ego solus, et quaerunt animam meam ut auferant eam.
Exaltabo te, Domine, quoniam suscepisti me: nec delectasti inimicos meos super me.
Zelo zelatus sum pro Domino Deo exercituum, dixit Elias ad Dominum: quia dereliquerunt pactum tuum filii Israel: altaria tua destruxerunt, prophetas tuos occiderunt gladio, derelictus sum ego solus, et quaerunt animam meam ut auferant eam.
Gloria Patri, et Filio, et Spiritui Sancto. Sicut erat in principio, et nunc, et semper, et in saecula saeculorum. Amen.
Zelo zelatus sum pro Domino Deo exercituum, dixit Elias ad Dominum: quia dereliquerunt pactum tuum filii Israel: altaria tua destruxerunt, prophetas tuos occiderunt gladio, derelictus sum ego solus, et quaerunt animam meam ut auferant eam.
Praesta, quaesumus, omnipotens Deus: ut, sicut beatum Eliam Prophetam tuum et Patrem nostrum, ante communem mortem, curru igneo aereum elevasti ad caelum; ita nos facias, eo interveniente, dum vivimus, a terrenis semper ad caelestia spiritu sublevari, et cum eo in resurrectione justorum pariter gaudere. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus per omnia saecula saeculorum. Amen.
(Eccles. 48,1-10)
Lectio libri Sapientiae.
Surrexit Elias propheta quasi ignis, et verbum ipsius quasi facula ardebat.
Qui induxit in populos famem, et irritantdes illum invidia sua pauci facti sunt:
non enim poterant sustinere praecepta Domini. Verbo Domini continuit
caelum, et dejecit de caelo ignem ter. Sic amplificatus est Elias in
mirabilibus suis. Et quis potest similiter sic gloriari tibi? Qui
sustulisti mortuum ab inferis de sorte mortis in verbo Domini Dei. Qui
dejecisti reges ad perniciem, et confregisti facile potentiam ipsorum, et
gloriosos de lecto suo. Qui audis in Sina judicium, et in Horeb judicia
defensionis. Qui ungis reges ad poenitentiam, et prophetas facis
successores post te. Qui receptus es in turbine ignis, in curru equorum
igneorum qui scriptus es in judiciis temporum lenire iracundiam Domini:
conciliare cor patris ad filium et restituere tribus Jacob.
Elias ascendit in verticem Carmeli, et pronus in terram posuit faciem suam
inter genua sua, et dixit ad puerum suum: Ascende, et prospice contra mare
septem vicibus.
V. In septima autem vice, ecce nubecula parva quasi vestigium hominis ascendebat
de mari. Qui ait: Ascende, et dic Achab: Junge currum tuum, et descende,
ne occupet te pluvia, et facta est pluvia grandis.
Alleluia, alleluia.
Quis potest similiter sic gloriari tibi? Qui sustulisti mortuum ab inferis:
qui receptus es in turbine ignis in curru equorum igneorum.
Alleluia.
(Luc. 9, 28-36)
Sequentia sancti Evangelii secundum Lucam.
In illo tempore: Assumpsit Jesus Petrum, et Jacobum, et Joannem, et ascendit in
montem ut oraret. Et facta est, dum oraret species vultus ejus altera: et
vestitus ejus albus et refulgens. Et ecce duo viri loquebantur cum illo.
Erant autem Moyses et Elias visi in majestate: et dicebant excessum ejus, quem
completurus erat in Jerusalem. Petrus vero, et qui cum illo erant, gravati
erant somno. Et evigilantes viderunt majestatem ejus, et duos viros, qui
stabant cum illo. Et factum est, cum discederent ab illo, ait Petrus ad
Jesum: Praeceptor, bonum est nos hic esse: et faciamus tria tabernacula, unum
tibi, et unum Moysi, et unum Eliae: nesciens quid diceret: Haec autem illo
loquente, facta est nubes, et obumbravit eos: et timuerunt, intrantibus illis in
nubem. Et vox facta est de nube, dicens: Hic est filius meus dilectus:
ipsum audite. Et dum fieret vox, inventus est Jesus solus. Et ipsi
tacuerunt, et nemini dixerunt in illis diebus quidquam ex his.
The Creed is said
Elias homo erat similis nobis passibilis: et oratione oravit ut non plueret super terram, et non pluit annos tres, et menses sex. Et rursum oravit: et caelum dedit pluviam, et terra dedit fructum suum.
Offerimus tibi, Domine, hostiam laudis in honorem sancti Eliae Prophetae tui et Patris nostri: et, sicut tu holocausto suo adfuisti, ita sacrificium nostrum intervenire digneris; ut per illud ad aeternam mereamur pervenire laetitiam. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus per omnia saecula saeculorum. Amen.
Vere dignum et justum est, aequum et salutare, nos tibi semper et ubique gratias agere: Domine sancte Pater omnipotens aeterne Deus: Et te in Solemnitate (Veneratione) beati Eliae, Prophetae tui et Patris nostri, exsultantibus animis laudare, benedicere et praedicare. Qui in verbo tuo surrexit quasi ignis, caelum continuit, mortuos excitavit, tyrannos percussit, sacrilegos necavit, vitaequae monasticae fundamenta constituit. Qui pane ac potu, angelico ministerio, refectus, in fortitudine cibi illius usque ad montem sanctum ambulavit. Qui raptus in turbine ignis, Praecursor est venturus secundi adventus Jesu Christi Domini nostri. Per quem majestatem tuam laudant Angeli atque Archangeli, Cherubim quoque ac Seraphim: qui non cessant clamare quotidie, una voce dicentes: Sanctus, etc.
Ecce ego mittam vobis Eliam prophetam, antequam veniat dies Domini magnus et horribilis: et convertet cor patrum ad filios, et cor filiorum ad patres eorum.
Deus, qui per sanctum Angelum tuum beato Eliae Prophetae tuo et Patri nostro cibum et potum tribuisti: ipso interveniente, concede; ut, quae de caelesti mensa percepimus, sinceris mentibus illibata servemus. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti, Deus per omnia saecula saeculorum. Amen.