|
Sunday of the Second Class |
Liturgical colour: pink (or purple) |
Psalms as for Sundays
Antiphon 1: Veniet Dominus, * et non tardabit, et illuminabit abscondita tenebrarum, et manifestabit se ad omnes gentes, alleluia.
Antiphon 2: Jerusalem, gaude * gaudio magno, quia veniet tibi Salvator, alleluia.
Antiphon 3: Dabo in Sion * salutem, et in Jerusalem gloriam meam, alleluia.
Antiphon 4: Montes et omnes colles * humiliabuntur: et erunt prava in directa, et aspera in vias planas: veni, Domine, et noli tardare, alleluia.
Antiphon 5: Juste et pie * vivamus, exspectantes beatam spem, et adventum Domini.
Chapter:
Phillip. 4,4-5
Fratres: Gaudete in Domino semper: iterum dico, gaudete. Modestia vestra nota sit omnibus hominibus: Dominus enim prope est.
Hymn:
Creator alme siderum,
Aeterna lux credentium,
Jesu, Redemptor omnium,
Intende votis supplicum.
Qui daemonis ne fraudibus
Periret orbis, impetu
Amoris actus, languidi
Mundi medela factus es.
Commune qui mundi nefas
Ut expiares, ad crucem
E Virginis sacrario
Intacta prodis victima.
Cujus potestas gloriae,
Nomenque qui cum primum sonat,
Et caelites et inferi
Tremente curvantur genu.
Te deprecamur ultimae
Magnae diei Judicem,
Armis supernae gratiae
Defende nos ab hostibus.
Virtus, honor, laus, gloria
Deo Patri cum Filio,
Sancto simul Paraclito,
In saeculorum saecula.
Amen.
Versicle:
V. Rorate caeli desuper, et nubes pluant justum.
R. Aperiatur terra, et germinet Salvatorem.
Magnificat Antiphon:
Beata es, Maria, * quae credidisti Domino: perficientur in te, quae dicta sunt tibi a Domino, alleluia.
This is replaced by the appropriate 'O Antiphon' if the Sunday falls on the 17th December or afterwards.
Collect:
Aurem tuam, quaesumus, Domine, precibus nostris accommoda: et mentis nostrae tenebras gratis tuae visitationis illustra: Qui vivis et regnas cum Deo Patre in unitate Spiritus Sancti Deus, per omnia saecula saeculorum. Amen.