|
Sunday of the Second Class |
Liturgical colour: purple |
Psalms as for Sundays
Antiphon 1: Canite tuba * in Sion, quia prope est dies Domini: ecce veniet ad salvandum nos, alleluia, alleluia.
Antiphon 2: Ecce veniet * desideratus cunctis Gentibus: et replebitur gloria domus Domini, alleluia.
Antiphon 3: Erunt prava * in directa, et aspera in vias planas: veni, Domine, et noli tardare, alleluia.
Antiphon 4: Dominus veniet, * occurrite illi, dicentes: Magnum principium, et regni ejus non erit finis: Deus, Fortis, Dominator, Princeps pacis, alleluia, alleluia.
Antiphon 5: Omnipotens sermo tuus, * Domine, a regalibus sedibus veniet, alleluia.
Chapter:
1 Cor. 4,1-2
Fratres: Sic nos existimet homo ut ministros Christi, et dispensatores mysteriorum Dei. Hic jam quaeritur inter dispensatores, ut fidelis quis inveniatur.
Hymn:
Creator alme siderum,
Aeterna lux credentium,
Jesu, Redemptor omnium,
Intende votis supplicum.
Qui daemonis ne fraudibus
Periret orbis, impetu
Amoris actus, languidi
Mundi medela factus es.
Commune qui mundi nefas
Ut expiares, ad crucem
E Virginis sacrario
Intacta prodis victima.
Cujus potestas gloriae,
Nomenque qui cum primum sonat,
Et caelites et inferi
Tremente curvantur genu.
Te deprecamur ultimae
Magnae diei Judicem,
Armis supernae gratiae
Defende nos ab hostibus.
Virtus, honor, laus, gloria
Deo Patri cum Filio,
Sancto simul Paraclito,
In saeculorum saecula.
Amen.
Versicle:
V. Rorate caeli desuper, et nubes pluant justum.
R. Aperiatur terra, et germinet Salvatorem.
Magnificat Antiphon:
The 'O Antiphon' appropriate to the date is used.
Collect:
Excita, quaesumus, Domine, potentiam tuam, et veni: et magna nobis virtute succurre; ut per auxilium gratiae tuae, quod nostra peccata praedidiunt, indulgentia tuae propitiationis acceleret: Qui vivis et regnas cum Deo Patre in unitate Spiritus Sancti Deus, per omnia saecula saeculorum. Amen.