|
Double of the First Class with Octave |
Liturgical colour: white |
Antiphon 1: Tecum principium * in die virtutis tuae, in splendoribus sanctorum, ex utero ante luciferum genui te.
Psalm 109. Dixit Dominus.
Antiphon 2: Redemptionem * misit Dominus populo suo: mandavit in aeternum testamentum suum.
Psalm 110. Confitebor tibi.
Antiphon 3: Exortum est * in tenebris lumen rectis corde: misericors, et miserator, et justus Dominus.
Psalm 111. Beatus vir.
Antiphon 4: Apud Dominum * misericordia, et copiosa apud eum redemptio.
Psalm 129. De profundis.
Antiphon 5: De fructu * ventris tui ponam super sedem tuam.
Psalm 131. Memento, Domine.
Chapter:
Hebrews 1:1
Multifariam, multisque modis olim Deus loquens patribus in prophetis:
novissime diebus istis locutus est nobis in Filio, quem constituit heredem
universorum, per quem fecit et saecula.
Hymn:
Jesu, Redemptor omnium,
Quem lucis ante originem
Parem paternae gloriae
Pater supremus edidit.
Tu lumen, et splendor Patris,
Tu spes perennis omnium,
Intende quas fundunt preces
Tui per orbem servuli.
Memento, rerum Conditor,
Nostri quod olim corporis,
Sacrata ab alvo Virginis
Nascendo, formam sumpseris.
Testatur hoc praesens dies,
Currens per anni circulum,
Quod solus e sinu Patris
Mundi salus adveneris.
Hunc astra, tellus, aequora,
Hunc omne, quod caelo subest,
Salutis auctorem novae
Novo salutat cantico.
Et nos, beata quos sacri
Rigavit unda sanguinis,
Natalis ob diem tui
Hymni tributum solvimus.
Jesu, tibi sit gloria,
Qui natus es de Virgine,
Cum Patre et almo Spiritu,
In sempiterna saecula. Amen.
Versicle:
V. Notum fecit Dominus, alleluja.
R. Salutare suum, alleluja.
Magnificat Antiphon:
Hodie * Christus natus est : hodie Salvator apparuit : hodie in terra canunt Angeli, laetantur Archangeli : hodie exsultant justi, dicentes: Gloria in excelsis Deo, alleluja.
Collect:
Concede, quaesumus, omnipotens Deus: ut nos Unigeniti tui nova per carnem Nativitas liberet; quos sub peccati jugo vetusta servitus tenet. Per eumdem Dominum Jesum Christum Filium tuum, qui tecum vivit et regnat in unitate Spiritus Sancti Deus, per omnia saecula saeculorum. Amen.
Antiphon:
Stephanus autem plenus gratia et fortitudine, faciebat signa magna in populo.
Versicle:
V. Gloria et honore coronasti eum, Domine..
R. Et constituisti eum super opera manuum tuarum.
Collect:
Da nobis, quaesumus, Domine, imitari quod colimus: ut discamus et inimicos diligere; quia ejus natalitia celebramus, qui novit etiam pro persecutoribus exorare Dominum nostrum Jesum Christum, Filium tuum: Qui tecum vivit et regnat in unitate Spiritus Sancti Deus, per omnia saecula saeculorum. Amen.