|
Double of the First Class with Octave |
Liturgical colour: white |
Antiphon 1: Ante luciferum genitus, * et ante saecula, Dominus Salvator noster hodie mundo apparuit.
Psalm 109. Dixit Dominus.
Antiphon 2: Venit lumen tuum, * Jerusalem, et gloria Domini super te orta est, et ambulabunt Gentes in lumine tuo, alleluja.
Psalm 110. Confitebor tibi.
Antiphon 3: Apertis thesauris suis, * obtulerunt Magi Domino aurum, thus et myrrham, alleluja.
Psalm 111. Beatus vir.
Antiphon 4: Maria et flumina, * benedicite Domino : hymnum dicite, fontes, Domino, alleluja.
Psalm 112. Laudate pueri.
Antiphon 5: Stella ista * sicut flamma coruscat, et Regem regum Deum demonstrat : Magi eam viderunt, et magno Regi munera obtulerunt.
Psalm 113. In exitu Israel.
Chapter:
Isaias 60:1.
Surge, illuminare, Jerusalem, quia venit lumen tuum, et gloria Domini super te orta est. R. Deo gratias.
Hymn:
Crudelis Herodes, Deum
Regem venire quid times?
Non eripit mortalia,
Qui regna dat caelestia.
Ibant Magi, quam viderant,
Stellam sequentes praeviam :
Lumen requirunt lumine :
Deum fatentur munere.
Lavacra puri gurgitis
Caelestis Agnus attigit :
Peccata, quae non detulit,
Nos abluendo sustulit.
Novum genus potentiae :
Aquae rubescunt hydriae,
Vinumque jussa fundere,
Mutavit unda originem.
Jesu tibi sit gloria,
Qui apparuisti Gentibus,
Cum Patre, et almo Spiritu,
In sempiterna saecula. Amen.
Versicle:
V. Reges Tharsis et insulae munera offerent.
R. Reges Arabum et Saba dona adducent.
Magnificat Antiphon:
Tribus miraculis * ornatum diem sanctum colimus: hodie stella Magos duxit ad praesepium: hodie vinum ex aqua factum est ad nuptias: hodie in Jordane a Joanne Christus baptizari voluit, ut salvaret nos, alleluja.
Collect:
Deus, qui hodierna die Unigenitum tuum Gentibus stella duce revelasti: concede propitius; ut, qui jam te ex fide cognovimus, usque ad contemplandam speciem tuae celsitudinis perducamur. Per eumdem Dominum nostrum Jesum Christum Filium tuum, qui tecum vivit et regnat in unitate Spiritus Sancti Deus, per omnia saecula saeculorum. Amen.