Detestor et abominor omnia et singula peccata mea, et omnium aliorum commissa ab initio mundi usque in hanc horam, et deinceps usque ad finem mundi committenda, et si possem, impedirem per gratiam Dei, quam supplex invoco.
Laudo, et approbo omnia bona opera facta a principio mundi usque in hanc horam, et deinceps usque in finem mundi facienda, possem, ea multiplicarem per gratiam Dei, quam supplex invoco.
Intendo omnia facere, dicere et cogitare, ad majorem Dei gloriam, cum omnibus bonis intentionibus, quas Sancti unquam habuerunt, vel habebunt, vel habere possunt.
Ignosco, et dimitto ex toto corde omnibus inimicis meis, omnibus me calumniantibus, omnibus quocumque modo mihi detrahentibus, omnibus quocumque modo mihi nocentibus, vel volentibus mala.
Utinam omnes homines salvare possem moriendo pro singulis, libenter id facerem per gratiam Dei; quam supplex invoco; et sine qua nihil possum.